Ortuellako Udalak, Ortuellako Merkatari eta Profesionalen Elkartearekin lankidetzan, Ortuella Gurea 2022 Kontsumo Bonuaren Kanpaina jarriko du abian azaroan. Ortuellako Udalak 6.000 €bideratuko ditu, eta kanpainaren balioa 12.000 €-koa izango da, guztira 1.200 bonu zirkulazioan jarriz.
Deialdi honetan bonuei aplikatuko zaien hobaria bonuaren balio osoaren % 50ekoa izango da, honela:
Bonu bakoitzaren guztizko balioa 10 €-koa da. 5 €bezeroak emandakoa eta 5 €Ortuellako Udalak emandakoa.
Kanpaina honek berrikuntzak dakartza, eta saltokien atxikipena eta herritarrek bonuak erostea telematikoki egingo da, www.meatzaldebono.eus plataformaren bidez.
Urriaren 24tik 28ra bitartean atxikitzeko epea irekiko da, hala nahi duten saltokiek (betiere I. eranskineko JEZen barruan badaude) plataforman alta eman eta kanpainari atxiki ahal izateko. Horretarako, plataforman alta emateaz gain, Ortuellako Udaleko Erregistro Orokorrean atxikitzeko eskaera eta agiri hauek aurkeztu beharko dituzte:
Saltokiei atxikitzeko prozesua amaitu ondoren, herritarrek www.meatzaldebono.eus plataformaren bidez erosi ahal izango dituzte bonuak (Ortuellako Udalak www.ortuella.eus udal webgunean plataforma horretarako esteka bat jarriko du), betiere 18 urtetik gorakoak badira, Ortuellako udalerrian bizi zein ez.
Herritarrek eskuratu ahal izango dituzte, 2022ko azaroaren 7tik 27ra bitartean edo haien erabilgarritasuna agortu arte.
Bonuak erosi eta deskargatu behar dituenak www.meatzaldebono.eus plataforman erregistratu eta alta eman beharko du.
Pertsonak, plataforman erregistratu ondoren, erabiltzailez eta pasahitzez osatutako kredentzialak izango ditu, bonuak erosteko eta sortzeko sisteman sartzeko. Plataforman sartzen zarenetik aurrera, erabiltzaileen eremuan, bonuak erosi ahal izango dituzu, bonuen erosketa ordainketa segurua egiteko plataforma baten bidez ordainduz. Plataforma horrek kreditu/zordunketa txartelaren bidez erositako bonuak ordaintzea ahalbidetzen du. Erosketa baieztatu ondoren, plataformatik bertatik jaitsi ahal izango dituzu bonuak. Bonua PDF formatuan inprimatu edo gorde ahal izango da eroslearen telefono, tablet eta abarretan.
Erositako kontsumo-bonuek identifikatzaile bakar bat izango dute, QR kode bat bonu bakoitzerako eta kode alfanumeriko bat. Gainera, gutxienez, eskuratzailearen datu hauek jasoko dituzte: izen-abizenak, NAN/AIZ, bonua eskuratzeko eguna eta ordua, erositako bonuaren balioa edo zenbatekoa eta atxikitako establezimenduetan bonu hori trukatzeko azken eguna.
Pertsona berak deialdi honetan eros ditzakeen bonuen gehieneko zenbatekoa 40 eurokoa da. Bonuen balioa 10 eurokoa denez, pertsona bakoitzak gehienez 4 bonu erosi ahal izango ditu.
Plataforman establezimendu bakoitzak oraindik eskuragarri dituen bonuen kopurua egiaztatu ahal izango da. Saltoki bakoitzerako egoera-barra bat diseinatu da, eta informazio eguneratu hori denbora errealean ikusi ahal izango da.
Kanpainarekin bat egin nahi duten saltokiek eta bonuak erosi nahi dituztenek Meatzaldeko Behargintza dute eskuragarri, izapide guztiekin lagun diezaieten.
